Барааны тайлбар:

Зохиолч, сэтгүүлч Todko Samson-ны “Харь хэлээр яригсад” хэмээх энэхүү бүтээлд Дэлхийн II дайны үеэр япончуудын бактерлогийн зэвсэг үйлдвэрлэж байсан түүх, түүнийгээ олзлогдогсод дээр хэрхэн харгис хэрцгийгээр туршиж байгаа талаар, түүнчлэн нөгөө талаас энэхүү хэргийн учрыг олохоор оролдож буй эртэмтэд болон олон улсын байгууллагын ажилчдын хүний эрхийг дээдлэх сэтгэлийг уран сайхны аргаар дүрслэн харуулжээ.
Уг роман нь түүхэн болон одоо цагийн гайхам сонирхолтой холбоос, өвөрмөц бичлэгийн арга барил, кино үзэж буй мэт дүрслэл, өгүүлэмж, дүрүүд, мэдлэг мэдээллээр баялаг байдал зэргээрээ уншигч нарын талархлыг хүлээх бүтээл юм. Зохиолчийн урлахуй ур чадвар, өнгөрсөн, одоо, ирээдүй цагийг үйл явдалтайгаа сүлсэн олон тааварлашгүй ээдрээ түүний тайлал зэргийг маш нарийн сийлж чадсан нь гайхалтай.
Ном нээмэгц “Мэдэх эрхгүй түүхээс, Зорих ёсгүй ирээдүйг чиглэж буй ард түмэнд” хэмээн зохиолч маань бидэнд хаяглажээ. Ингээд бидний мэддэг гэж эндүүрдэг, огт мэддэггүй үнэн юу байв? “Чамд хэн итгэх юм бэ?” хэмээх гурамсан романы дэд дэвтэр хэрхэн өрнөх бол?...

#402